SPOJ in Armenian

                «Էդպես է դրա սովորությունը, ծառաներով ման գալ չի սիրում։ Մի անգամ ես հարցրի, ասավ՝ ծառան ի՞նչ եմ անում, ամբողջ աշխարհքն իմ ծառան է ու իմ ծառան։»

 Այո, Քաջ Նազարը ծառաներով չի շրջում, սակայն շատ է վախենում ուրվականներից: Գյուղում կան փողոցներ, որոնք Նազարը հատկապես չի սիրում և համարում է դրանք «վտանգավոր»՝ կարծելով, որ այնտեղ ուրվականներ են բնակվում:

Գյուղում կա N խաչմերուկ (համարակալված 1...N թվերով) և  N-1 երկկողմանի փողոց, այնպես որ ցանկացած երկու խաչմերուկների միջև գոյություն ունի ճանապարհ: Նազարը ճանապարհի վտանգավորությունը չափում է դրա պարունակած վտանգավոր փողոցների քանակով:

Նազարը պետք է խաչմերուկներից մեկն ընտրի իր բնակության համար: Նա ցանկանում է ընտրել այնպիսի խաչմերուկ, որտեղից դուրս եկող ամենավտանգավոր ճանապարհը լինի հնարավորինս չափ ապահով, այսինքն՝ պարունակի որքան հնարավոր է քիչ քանակությամբ վտանգավոր փողոցներ:

Օգնե՛ք Նազարին կատարելու ճիշտ ընտրություն:

Մուտք

Մուտքի առաջին տողում տրված է խաչմերուկների N  քանակը (1 ≤ N ≤ 10⁵):

Հաջորդ N-1 տողերից յուրաքանչյուրը տալիս է հերթական փողոցի նկարագրությունը: Փողոցը նկարագրվում է երեք թվով՝ u, v և p, որտեղ u-ն և v-ն փողոցի ծայրերում գտնվող խաչմերուկների համարներն են (1 ≤ u, v ≤ N, u ≠v), իսկ p-ն (p=0,1) ցույց է տալիս, թե արդյոք վտանգավոր է փողոցը, թե ոչ. p = 1 դեպքում փողոցը համարվում է վտանգավոր, իսկ p = 0 դեպքում՝ ոչ:

Ելք

Ելքային ֆայլի միակ տողում արտածե՛լ փնտրվող խաչմերուկի համարը: Եթե գոյություն ունի մեկից ավելի պատասխան, արտածել դրանցից նվազագույնը:

Օրինակ

Մուտքը.
6
6 1 1
2 4 1
5 6 0
3 6 1
2 6 0

Ելքը.
2