SPOJ in Armenian

Դու մի՛ ասիլ էս աղջկանը ուզած է լինում հարևան երկրի թագավորը։ Որ իմանում է իրեն չեն տվել, ուրիշի հետ են ամուսնացրել, զորք է կապում պատերազմով գալիս է օխտն ախպոր վրա։

Էս օխտը հսկան գնում են Քաջ Նազարի մոտ, պատերազմի լուրը հայտնում են, գլուխ են տալի առաջը կանգնում, հրաման են խնդրում։

Եւ այսպես, Քաջ Նազարը պետք է առաջնորդի հսկաների զորքն ընդդեմ հարևան երկրի թագավորի։ Հսկաների զորքը բաղկացած է N զորամիավորումներից։ Համաձայն Նազարի մշակած մարտավարության բոլոր զորամիավորումները պետք է ընդունեն ներսը դատարկ ուղղանկյուն հիշեցնող զորաշարվածք, ինչը թույլ կտա Նազարին ապահով  թաքնվել դրանց ներսում։

Վերևից դիտելիս Նազարի զորքն իրենից ներկայացնում է N ուղղանկյուններ, որոնք ռազմադաշտը բաժանում են որոշակի քանակությամբ կապակցված տիրույթների։ Ընդ որում, Նազարին հաջողվել է այնպես դասավորել իր զորամիավորումները, որ անհրաժեշտության դեպքում կամայական ներքին տիրույթից հնարավոր լինի նահանջել ցանկացած այլ ներքին տիրույթ՝ առանց  դուրս գալու արտաքին բաց տարածություն։

 Այժմ Նազարին հետաքրքրում է, թե քանի թաքստոց կա իր զորքում։ Օգնե՛ք նրան հաշվել զորքում եղած ներքին տիրույթների քանակը։

Մուտք

Մուտքի առաջին տողում գրված է զորամիավորումների N քանակը (1 ≤ N ≤ 10⁵):

Հաջորդ N տողերից յուրաքանչյուրը պարունակում է չորս ամբողջ թիվ x₁, y₁, x₂, y₂ - հերթական զորամիավորումը նկարագրող ուղղանկյան ներքևի ձախ և վերևի աջ գագաթների կոորդինատները։ Կոորդինատները բացարձակ արժեքով չեն գերազանցում 10⁹ թիվը։

Մուտքային տվյալներում ապահովված են հետևյալ պայմանները.

●        բոլոր գագաթները տարբեր են

●        ցանկացած երկու կող հատվում են ամենաշատը մեկ կետում:

Ելք

Ելքի միակ տողում հարկավոր է արտածել ներքին տիրույթների քանակը։

Օրինակ

Մուտքը.
2
0 0 4 3
2 1 6 4

Ելքը.
3