SPOJ in Armenian

Ծրագրավորման մրցույթի մասնակիցները պետք է ստանան ծածկագրեր։ Ծածկագրերը պետք է բավականաչափ բարդ լինեն, որ մրցույթի մասնակիցները չփորձեն գուշակել մյուսների ծածկագրերը։ Մյուս կողմից լրիվ պատահական սիմվոլներից գեներացված ծածկագրերն էլ վատ են նրանով, որ մասնակիցները դրանք հավաքելուց կարող են խնդիրներ ունենալ։

Ժյուրին որոշել է պահել վանկերի զանգված, գեներացնել պատահական ինդեքսներ։

Ձեր խնդիրն է օգնել ժյուրիին, գրել ծրագիր, որը վանկերի զանգվածի և պատահական ինդեքսների միջոցով գեներացնի և արտածի ծածկագրերը։

Մուտք

Առաջին տողում տրված է վանկերի m (1 <= m <= 50) քանակը, որին հաջորդում են m տողեր, յուրաքանչյուրում մի վանկ։ Վանկերը բաղկացած են մինչև 5 սիմվոլներից և դատարկ սիմվոլներ չեն պարունակում։ Հաջորդ տողում տրված է ծածկագրերի n քանակը (1 <= n <= 200)։ Հաջորդ n տողերից յուրաքանչյուրը պարունակում է հերթական ծածկագրի համար գեներացված պատահական ինդեքսների հաջորդականություն։ Յուրաքանչյուր տողում նախ տրված է ինդեքսների k քանակը (1 <= k <= 10), որին հաջորդում են k հատ պատահական ինդեքսներ։ Երաշխավորվում է, որ ինդեքսները տրված են [0…m-1] հատվածից։

Ելք

Ելքում պետք է արտածել n տող, յուրաքանչյուրում գեներացված հերթական ծածկագիրը։

Օրինակ

Մուտք.
4
an
ban
un
ba
3
2 0 1
2 1 0
3 0 0 2

Ելք.
anban
banan
ananun