SPOJ in Armenian

Սկաուտական ճամբարում տարբեր խաղ-մրցույթներ են կազմակերպում։ Հերթական մրցույթը անց է կացվում անտառում, և կանոններն այսպիսին են։ Մրցույթի մասնակիցը ընտրում է մի ծառ որպես սկզբնակետ, հետո նա պետք է ուղիղ գծով գնա մինչև մեկ այլ ծառ, հետո մինչև երրորդ ծառը, և այդպես շարունակ, վերջում պետք է վերադառնա սկզբնական ծառի մոտ։ Որքան ծառ եղավ երթուղում, այնքան միավոր է տրվում։ Սակայն թույլատրվում է շարժվել միայն ժամացույցի սլաքի հակառակ ուղղությամբ, այսինքն հերթական ծառին հասնելուց հետո թույլատրվում է միայն թեքվել դեպի ձախ այնպես, որ թեքվելու անկյունը 180 աստիճանից փոքր լինի։ Վերջում էլ, երբ մասնակիցը վերադառնում է իր սկզբնակետին, պետք է դա այնպես անի, որ հնարավոր լինի շարունակել ընթացքը նույն երթուղով ժամացույցի սլաքի հակառակ ուղղությամբ։

Հայկը նույնպես պիտի մասնակցի այդ մրցույթին։ Նա կառուցել է տեղանքի քարտեզը, կոորդինատային հարթությունում նշել է բոլոր ծառերի կոորդինատները։ Հարկավոր է օգնել Հայկին՝ այդ տվյալների հիման վրա գրել ծրագիր, որը պարզի, թե առավելագույնը քանի միավոր է կարելի հավաքել այդ մրցույթում։

Մուտքը

Առաջին տողում տրված է անտառում ծառերի N (1 ≤ N ≤ 100) քանակը։ Հաջորդ N տողերից  յուրաքանչյուրը պարունակում է մեկ բացակով իրարից անջատված երկու իրական թվեր, հերթական ծառի x,y կոորդինատները (-10⁶ ≤ x,y ≤ 10⁶): Կոորդինատներն ունեն առավելագույնը երկու տասնորդական նիշ։ Ոչ մի երեք ծառ մի ուղղի վրա չեն գտնվում։

Ելքը

Պետք է արտածել մի թիվ՝ առավելագույն միավորը, որ կարող է ստանալ մրցույթի մասնակիցը։

Օրինակ

Մուտքը.
5
0 0
1.5 -0.25
0 -1
-1 0.5
0.5 1

Ելքը.
4