SPOJ in Armenian

Դպրոցականները ռոբոտիկայի խմբակում պատրաստել են ռոբոտ։ Այն դեռ կատարյալ չէ։ Ռոբոտը տեղադրվում է վանդակավոր դաշտում և կարող է շարժվել վանդակից վանդակ չորս ուղղություններով՝ վերև, ներքև, աջ, ձախ։ Շարժվելուց հետո ռոբոտը կարող է կանգնել երկու դեպքում՝ կամ խոչընդոտի հանդիպելիս, կամ հատուկ (սև) գույնով ներկված վանդակում։ Ռոբոտին հնարավոր է տալ ուղղությունը փոխելու հրամաններ։

Տրված է վանդակավոր դաշտ, որում նշված են ռոբոտի սկզբնական դիրքը, խոչընդոտները (դաշտի ամբողջ եզրագծի երկայնքով խոչընդոտներ են դրված, որ ռոբոտը դաշտից դուրս չգա) և մեկ վանդակ ներկված է հատուկ գույնով։ Հարկավոր է գրել ծրագիր, որը պարզի, թե մինիմալը քանի հրամանի միջոցով է կարելի ռոբոտին հասցնել հատուկ վանդակը, եթե, իհարկե, դա հնարավոր է։

Մուտքային տվյալներ

Առաջին տողում տրված են դաշտի n, m (2 <= n,m <= 100) չափերը։ Հաջորդ n տողերից յուրաքանչյուրը պարունակում է m սիմվոլ։ Այդ տողերը նկարագրում են վանդակավոր դաշտը։ Խոչընդոտները նշված են # սիմվոլներով, ազատ վանդակները՝ կետերով, ռոբոտի սկզբնական դիրքը` R տառով, նպատակային սև վանդակը՝ B տառով։

Ելքային տվյալներ

Պետք է արտածել մեկ թիվ՝ մինիմալ հրամանների քանակը ռոբոտին նպատակային վանդակ հասցնելու համար։ Նպատակակատին հասնելու ճանապարհ միշտ գոյություն ունի։

Օրինակ

Մուտք.

7 9
#########
#.......#
#.R.....#
#.......#
#.#B....#
#.#.....#
#########

Ելք.
4