SPOJ in Armenian

Մարտինն աշխատում է որպես համակարգչային ադմինիստրատոր մի խոշոր ձեռնարկությունում։ Այդ ձեռնարկությունը վաղուց չի փոխել աշխատակիցների ինքնությունը ստուգելու համակարգը։ Յուրաքանչյուր աշխատող ունի անձնական իդենտիֆիկացման քառանիշ համար (PIN կոդ)։ Ձեռնարկություն ներս մտնելու համար բավական է հավաքել PIN կոդը։ Քանի որ տարիների ընթացքում ձեռնարկությունը մեծացել է, կոդում սկսեցին թվանշանների հետ մեկտեղ տառեր ևս օգտագործել, բայց կոդի երկարությունը չի փոխվել։

Մարտինին դուր չի գալիս այդ իրավիճակը։ Ենթադրենք երկու մարդկանց կոդերն իրարից տարբերվում են միայն մեկ նիշով, օրինակ 61ab և 62ab։ Եթե առաջին անձը պատահաբար 1-ի փոխարեն 2 հավաքի, համակարգը, միևնույն է, թույլ կտա ներս մտնել։

Մարտինը ցանկանում է վիճակագրություն հավաքել օգտագործվող PIN կոդերի վերաբերյալ, մասնավորապես, հաշվել, թե PIN կոդերի քանի զույգ կա, որոնք տարբերվում են իրարից 1, 2, 3, 4 դիրքերով։ Նա կարծում է, որ այդ թվերը բավականաչափ համոզիչ կլինեն, որ ձեռնարկության տնօրենը ավելի լավ համակարգի համար միջոցներ ներդնի։

Տրված է PIN կոդերի ցուցակ և մի D ամբողջ թիվ։ Հարկավոր է հաշվել PIN կոդերի այն զույգերի քանակը, որոնք իրարից տարբերվում են ճիշտ D դիրքերում։

Մուտքը

Առաջին տողում տրված են PIN կոդերի N(2<=N<=50000) քանակը և D(1<=D<=4) թիվը։ Հաջորդ N տողերից յուրաքանչյուրը պարունակում է մի PIN կոդ։ Յուրաքանչյուր PIN կոդ բաղկացած է 4 սիմվոլից՝ թվանշաններից և ‘a’-ից ‘z’ փոքրատառ լատիներեն տառերից։ Մուտքում տրված բոլոր PIN կոդերն իրարից տարբեր են։

Ելքը

Ելքում պետք է արտածել մի թիվ՝ PIN կոդերի այն զույգերի քանակը, որոնք տարբերվում են ճիշտ D դիրքերում։

Օրինակ

Մուտքը.
4 1
0000
a010
0202
a0e2

Ելքը.
0

Մուտքը.
4 2
0000
a010
0202
a0e2

Ելքը.
3

Առաջին օրինակում PIN կոդերի յուրաքանչյուր զույգ տարբերվում են ավելի քան մեկ դիրքով։
Երկրորդ օրինակում կա 3 զույգ, որոնք տարբերվում են ճիշտ 2 դիրքերում. (0000,a010), (0000,0202), (a010,a0e2)։

Խնդիրը օգտագործվել է դպրոցականների 2012 թ. ընտրական մրցույթում։