SPOJ in Armenian

MasterMind-ը երկու խաղացողներով դասական խաղ է։ Խաղացողներից մեկը կոդ պատրաստողն է։ Նա մի քառանիշ S (1000 <= S <= 9999) թիվ է պահում։

Մյուս խաղացողը կոդ գտնողն է։ Նա շարունակ պետք է գուշակի պահած թիվը մինչև գտնի այն։

Կոդ պատրաստողը կոդ գտնողի յուրաքանչյուր G_i (1000 <= G_i <= 9999) գուշակությանը պատասխանում է երկու ամբողջ թվով.

Առաջին C_i (0 <= C_i <= 4) թիվը ցույց է տալիս, թե գուշակության թվանշաններից քանիսն են ճիշտ և գտնվում են ճիշտ տեղերում, այսինքն համընկնում են պահած թվի նույն տեղերում գտնվող թվանշանների հետ։ Երկրորդ W_i (0 <= W_i  <= 4 – C_i) թիվը ցույց է տալիս, թե մնացած թվանշաններից քանիսն են ճիշտ, բայց սխալ տեղում են գտնվում։

Օրինակ, ենթադրենք կոդ պատրաստողի գաղտնի թիվը 2351 է։ Եթե կոդ գտնողը գուշակի 1350, կոդ պատրաստողը կպատասխանի “2 1”,  քանի որ 3-ը և 5-ը ճիշտ իրենց տեղում են, իսկ 1-ը հանդիպում է պահած թվում, բայց այլ տեղում։  Մեկ այլ օրինակ, եթե գաղտնի թիվը 1223 է  և գուշակած թիվը 2322 է, ապա պատասխանը կլինի “1 2”:

Ստորև ներկայացնում ենք խաղի օրինակ, որտեղ գաղտնի թիվը 2351 է.

        Իրենց տեղում գտնվող ճիշտ թվանշանների քանակը
        | Իրենց տեղում չգտնվող ճիշտ թվանշանների քանակը
Գուշակություն  | |
3157           1 2
1350           2 1
6120           0 2
2381           3 0
2351           4 0

Այս խնդրում տրված են խաղի ընթացքում արված N (1 <= N <= 100) գուշակություններ և նրանց պատասխանները։ Հարկավոր է արտածել ամենափոքր քառանիշ թիվը, որը կարող է լինել գաղտնի կոդի թեկնածու (այսինքն, բավարարում է բոլոր սահմանափակումներին)։

Եթե այդպիսի թիվ չկա, արտածել NONE բառը։

Մուտք„

Մուտքային ֆայլի առաջին տողում տրված է N թիվը։ Հաջորդ N տողերից i-րդը պարունակում է i-րդ գուշակությունը և նրա պատասխանը, այսինքն իրարից մեկական բացակով անջատված երեք ամբողջ թվեր՝ G_i, C_i և W_i:

Ելք„

Օրինակ

Մուտք„.
4
3157 1 2
1350 2 1
6120 0 2
2381 3 0

Ելք„.

2351