SPOJ in Armenian

         Լապլանդիայի քամելեոնները պատրաստվում են ճաշկերույթ անցկացնել: Հարթության յուրաքանչյուր ամբողջարժեք կոորդինատներով կետում կամ ապրում է ճիշտ մեկ քամելեոն, կամ այդ կետը արգելված է: Ճաշկերույթը տեղի է ունենալու (0, 0) կետում, որը արգելված կետ չէ:

            Քամելեոնները մեկ վայրկյանի ընթացքում կարող են շարժվել մեկ միավորով դեպի վերև, ներքև, աջ կամ ձախ:  Քամելեոնները չեն կարող անցնել արգելված կետերով: Ճաշկերույթին կմասնակցեն այն քամելեոնները, որոնք կարող են այնտեղ հասնել ոչ ավելի քան S քայլով: Քամելեոնները ճաշկերույթին գալիս են, շարժվելով կարճագույն ճանապարհով:
            Յուրաքանչյուր քամելեոն ամեն քայլից հետո փոխում է իր գույնը: Եթե այն կանաչ է, դառնում է դեղին: Եթե դեղին է, դառնում է կանաչ: Ձեր խնդիրն է պարզել թե ճաշկերույթին քանի դեղին և քանի կանաչ քամելեոն կա: Շարժումը սկսելուց առաջ բոլոր քամելեոնները կանաչ են:

Մուտքը

            Մուտքային ֆայլի առաջին տողը պարունակում է B և S (0 ≤ B ≤ 10000, 1 ≤ S ≤ 10000000) թվերը -համապատասխանաբար արգելված կետերի քանակը և քայլերի առավելագույն քանակը, որ կարող են անել քամելեոնները:

            Հաջորդ B տողերից յուրաքանչյուրը պարունակում է հերթական արգելված կետի կոորդինատները, որոնք բացարձակ արժեքով չեն գերազանցում 1000-ը: Երաշխավորվում է, որ կոորդինատների սկզբնակետում խոչընդոտ չկա:

Ելքը

Ելքի միակ տողը պարունակում է իրարից բացակով բաժանված երկու թվեր - ճաշկերույթին ներկա կանաչ և դեղին քամելեոնների քանակը:

Օրինակ

Մուտքը.
4 5

-1 1

0 -1

0 1

1 0

Ելքը.
10 16