SPOJ in Armenian

Գաղտնագրման այս եղանակն առաջին անգամ նկարագրել է իտալացի մաթեմատիկոս Ջիրոլամո Կարդանոն XVI դարում։

Տեքստը գրում ենք n×n չափի վանդակավոր այղուսակում ձախից աջ և վերևից ներքև կարգով՝ յուրաքանչյուր վանդակում մեկ տառ։

Այնուհետև պատրաստում ենք աղյուսակի չափով ստվարաթուղթ, որի որոշ տեղերում անցքեր ենք անում։ Յուրաքանչյուր անցք պետք է ճիշտ մեկ վանդակի չափով արվի։ Անցքերի քանակը պետք է հավասար լինի աղյուսակի վանդակների քանակի մեկ քառորդին։

Տեղադրում ենք ստվարաթուղթը աղյուսակի վրա։ Երևացող տառերը ձախից աջ և վերևից ներքև կարգով դուրս ենք գրում երկրորդ աղյուսակում։ Ապա ստվարաթուղթը պտտեցնում ենք 90 աստիճանով և կրկին դուրս գրում երևացող տառերը և շարունակում դասավորել երկրորդ աղյուսակում։ Նույնը կրկնում ենք ևս երկու անգամ և երկրորդ աղյուսակում ստանում ենք գաղտնագրված տեքստը։

Պարզ է, որ ճիշտ գաղտնագրված տեքստ ստանալու համար, ստվարաթղթում արված և անցքերը պետք է այնպես արված լինեն, որ յուրաքանչյուր տառ ճիշտ մեկ անգամ բացվի։

Նույն ստվարաթուղթը հանդիսանում է գաղտնագրի բանալին։ Նրա միջոցով կարելի է վերծանել գաղտնագրված տեքստը։

Պահանջվում է գրել ծրագիր, որը տրված բանալու միջոցով վերծանում է տրված գաղտնագրված տեքստը։

.

Մուտքային տվյալներ

Առաջին տողում տրված է ստվարաթղթե բանալու n չափը: Հաջորդ n տողերը նկարագրում են ստվարաթղթե բանալին։ Դրանցից յուրաքանչյուրը պարունակում է n սիմվոլ։ Փակ վանդակները նշանակված են ‘X’ սիմվոլով, բացերը՝ ‘.’-ով։ Հաջորդ տողը պարունակում է գաղտնագրված տեքստը, որը բաղկացած է ճիշտ n² սիմվոլներից։

Ելքային տվյալներ

Պետք է արտածել մեկ տող՝ վերծանված տեքստը։

Օրինակ

Մուտք.
4
X.XX
.XXX
X.XX
XXX.
UASGNZRMRAONNICIetc.

Ելք.
RUNNAZARISCOMING