SPOJ in Armenian

Կազմակերպությունում աշխատում են n հոգի, որոնք համարակալված են 1-ից n թվերով։ Կազմակերպության տնօրենի համարը n-ն է։ Յուրաքանչյուր աշխատակից, բացի տնօրենից, ունի մեկ ղեկավար։ Ֆինանսական ճգնաժամի պատճառով տնօրենը որոշում է բոլոր աշխատակիցներին հեռացնել աշխատանքից։ Որպեսզի խռովություններ չառաջանան, նա որոշում է աշխատանքից հեռացնել օրական մեկ աշխատակցի, ընտրելով այնպիսի աշխատակցի, ով ենթակա չունի։

Ձեր խնդիրն է պարզել, թե տնօրենը քանի եղանակով է կարող դա անել։

Օրինակ, եթե կա 5 աշխատակից, և 1 և 2 աշխատակիցների ղեկավարը 3-ն է, իսկ 3-ի և 4-ի ղեկավարը՝ 5-ը, ապա կա աշխատակիցներին հեռացնելու 8 եղանակ. 1234, 2134, 4123, 4213, 1423, 1243, 2143 և 2413:

Մուտքը

Առաջին տողում տրված է աշխատակիցների n քանակը (2 <= n <= 128)։ Հաջորդ n-1 տողերից յուրաքանչյուրում գրված է մեկ թիվ՝ i-րդ տողում գրված է i-րդ աշխատակցի ղեկավարի համարը։

Ելքը

Հարկավոր է արտածել մեկ թիվ՝ աշխատակիցներին ազատելու տարբեր եղանակների քանակը Երաշխավորվում է, որ այդ թիվը չի գերազանցում 2³¹-ը։

Օրինակ

Մուտքը.
5
3
3
5
5

Ելքը.
8