SPOJ in Armenian

Թագավորությունն ունի N քաղաքներ, որոնք միացած են իրար N-1 երկկողմանի մայրուղիներով։ Քաղաքները համարակալված են 1-ից N թվերով։ Մայրուղիները այնպես են կառուցված, որ ցանկացած երկու քաղաքների միջև գոյություն ունի ճանապարհ։ Ճանապարհ կանվանենք իրարից տարբեր քաղաքների այնպիսի հաջորդականությունը, որում երկու հարևան քաղաքների միջև գոյություն ունի մայրուղի։

“Երկու ճանապարհ” ընկերությունը որոշել է վերանորոգել թագավորության մայրուղիները։ Ընկերությունը կարող է վերանորոգել միայն երկու չհատվող (ընդհանուր քաղաք չունեցող) ճանապարհներ։

Հայտնի է, որ “Երկու ճանապարհ” կազմակերպության եկամուտը հավասար է ընտրված երկու ճանապարհների վրա եղած մայրուղիների քանակների արտադրյալին։ Ընկերությունը խնդրել է Ձեզ պարզել հնարավոր առավելագույն եկամուտը, որ այն կարող է ստանալ։

Մուտքը

Մուտքի առաջին տողը պարունակում է N (1 <= N <= 100000) թիվը։ Հաջորդ N-1 տողերը պարունակում են իրարից մեկ բացակով բաժանված թվազույգեր՝ a, b (1 <= a, b <= N), ինչը նշանակում է, որ a և b համարներով քաղաքները միացած են մայրուղիով։

Ելքը

Պետք է արտածել մի թիվ՝  հնարավոր առավելագույն եկամուտը։

Օրինակ

Մուտքը.
4
1 2
2 3
3 4

Ելքը.
1